NISDOHB

ẌINAK NISDOHB

Nis dohb nakni ni rdu´nu naknu biñ zak, nik rya txi rlah dohb.

.

Nis ddobh ni gety gyædx lo ra loni ni rak.

.

Rdxaksa´ ra biñ Lu´a, txik ruñ raba loni xteñ nis dohb: txi ryu´gyæl robnis, rtxina, gæl rakdi´ñ, ræl tagoal, pasku niñ ni iskoby.

.

Nisdohb ni un´nes rulats lu´a gety tu gakbæni bal gety xtidx tsanu ni rluy dix lo xlyæt, lo gyu´, loh dzɨañ, gyælraw ni ral ugya´.

RA DOHB

Ra dohb ni redy dix sini rdu´a xnisni rik pakni rakbenu txe rdu´ni ni rdu´ go›ats xnyasnu.

.

Ratera dohbdy rnisrani nes dañ, nu´ dohb kuyoty, kutx gix, kwix, pkwæl, dohb blya, nu´ zara dohb ni nak, dohb gi›a nik biñ rsobnyani, ra ndeha reñreñ rdu´ana.

.

Ruh gyedx lu´a nu´ ra dohb, nu´rani pakrani. Nu´ gyansak du›ax dohbe rulatsre raknegakni lo gyuhre ni behdo› nik rakne rya nis dohb.

.

Ra dohb risani dix ni rluyni tu naknu ni Ẍinaknu, kaloh rutxeni lo gyex ni lo dzɨañ. ¡nde nak xlabanu lo gixluyre!

BEÑ Bæ RA XTOHBNU.

TXI RAK GATS NI GA›L IATS

Siktini ryu´a ra dohb te rakni kapoñ txikru rgani.

.

Nusani rnisni ga› bæw ni tsɨñ txon bæw, nu´sara dohb ni rnis leñ dañ ni rnis tsɨ u galtsɨ gyats.

.

KALEÑ RYUTXENI

Lasi ugyakro´agi, ryutxe niz dohb ryutxeni leñ gis re´ ni leñra gis labni, te ilahni ni ydu´sakni.

.

Nis ni ria nez re loh nis dohb, nu´ra gis ni guktxe, te ryutxe ra nis gix ni rniraba byan.

.

Gyati xbuteynu naktxe zakni te rdu´zak xnis dohbnu, nak snityni xini rlyani, ni xini rdu´ani, xnisnure nakna toh nis dohb zak.

TOTIS STEÑA, NAXHI STEÑA