Danunu

Ni naknu

Re lo XNYSNU rbalasnenu sdzɨañnu ni nak 100% (togayu yu) nes lu›a´, ni a guk gay i›asts bya´nera xbini ni ria ubah nis dobh, sigak txi rda´ni leñ butey.

.

Rsobnu nis dohb siga to nis sak. Nikni XNYSNU dxo gyapdanu ra sdzɨñnu,ni to nis zak dxodedynu.

.

Laxnu rsakneni XNYSNU, te nik rakneni, rnihis gyex; nikni ryuñnu sdzɨn ro´ gyex Lu´a.

.

Leñ ra butey nis ni rda´ ra ni rak ugyak, loh gyu ni bnis ra xahn gyagegy ni xbini ni bæ´nera biñ gol.

ẌINI RIANI

XNYSNU sakni te ruñ txenanuni. Ryap xbani, rak ubeni ni nakni ni rde´ nes dañ, reñreñ rdu´ rani, nuy ni gots.

.

Gayu yu (100%) naktxe na›ni, gety ru Ẍi rinetini, ni saktis rineni.

.

Nu kalo raktxeni ni tlagani rya, ¡txe to nis rulats lo gixlyu!. Ni runi gayu yu (100%) nakni, sakru ni rdu´ gotsrdu´ni ni un´lo gixlyu.

.

RDXÆL RSE´NI
Rdxæl be´a ra dohb lo giex Xaly Gelabila, txi a ugyalni, te txeruri nis dohb rga´ rse´ni ni sik txea rdu´ni.
RGAHNI
Rgahni xaku dohb, ni ræsni.
RKANI OHAR
Reky leñgy gyak zats, te sik gety ni gak goax.
RGOANI
Leñ gilah ni rgabyuza mañ dyap gila te go dohbgi.
RLAHNI
Ri´uni lo nis dañ ni syad nes paryat.
RI UBANI
Rdedyni leñ gyab.

KALOHA RYANI

Xnis dohbnure raktxena xnez rulats nisdohb sak, nez dañ dixtsa Xaly Gyelabila, ru´ gyedx bak, ni nu´ nez dañ gyeni´a. Nakzana to gyedx dxipblats duax, ni dxana gyanzakro´, dañ, nis loh gilah, ni ru´ nis ni rbeh dzɨts 1900 ru nis doh.

.

Xaly Gyelabila, nakni toh nez sak, ni gyanzakro´a, kaloni rnis ni rga´ gyobyni, siknakra dohb dañe. Loh xlyuhnu ryara dohb kapoñ, ra ni zakgi, doh lo gixlyure.

.

Loh xlyu gyanzakro´nure, bdoh loh gixlyu ni ra biñ ni re›are, rlæsrani xanzak loh xnez nis dohbre.